Plantun de Prouvènço

Pèr coumpara dos planto d'encò nostre

Lilium martagon & Salvia glutinosa

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.

Port : Grando erbo
Taio : 50 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Lilium
Famiho : Liliaceae

Ordre : Liliales

Coulour de la flour : Roso
Petalo : 6
Ø (o loungour) flour : 25 à 40 mm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Vo
Jun à juliet

Liò : Prado umido - Melounié - Faio - Prado à rousèu
Estànci : Subremediterran à Subaupen
Couroulougi : Bourealo
Ref. sc. : Lilium martagon L., 1753

Sàuvi(-pegouso)

Salvia glutinosa

Lamiaceae Labiaceae

Nom en français : Sauge glutineuse.

Descripcioun :
La sàuvi-pegouso èi coumuno soulamen au levant de Prouvènço. Trachis dins li bos fres e en ribo d'aigo. Es eisa de la recounèisse d'abord qu'èi proun pegouso, pièi emé si flour jauno qu'èi bèn la souleto à n'en agué.

Usanço :
Couneissèn pas d'usanço tradiciounalo prouvençalo pèr aquesto sàuvi. En Éuropo dóu levant se n'en fai de tisano contro lou raumas e lou tussi. D'ùni estùdi an moustra d'interessanto prouprieta anti-bateriano, anti-enflamativo e anti-óussidanto.

Port : Grando erbo
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Salvia
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : 5
Ø (o loungour) flour : 3 à 4 cm
Flourido : Estiéu

Sòu : Si (Ca)
Autour basso e auto : 400 à 1800 m
Aparado : Noun
Juliet à setèmbre

Liò : Bos fres - Castagnaredo - Prado à rousèu - Ribiero
Estànci : Subremediterran à Mountagnard
Couroulougi : Éurasiatico
Ref. sc. : Salvia glutinosa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lilium martagon & Salvia glutinosa

ges

Coumpara Martagoun emé uno autro planto

Coumpara Sàuvi(-pegouso) emé uno autro planto